Бүгін біздің мектептің 9 сынып оқушылары Долинка елдімекеніндебұрын Карлаг лагері болған, қазіргі қуғын-сүргінге ұшырағандарды еске алу мұражайына барды.  Мұражай алғаш елбасымыздың тапсырысы бойынша 24.02.2001 ж.  ашылды. Мұражай 14 залдан тұрады, оның әрқайсысы өзіне тән бейне, фото көрнекіліктермен, музыкамен әспеттелген. Карлаг – «мемлекет ішіндегі мемлекет» болған.  Ол Қазақстан республикасының басшылығына емес, тікелей Мәскеуге ғана бағынатын. Мұнда бір жарым миллион адам азап шеккен. Бұлардың қаншасы өліп, қаншасы өмірлік мүгедек болып қалған.ын ешкім айта алмайды. Өйткені ол жылдарға қатысты тарихи құжаттардың қаншасы өртеліп, көзі жойылып кеткені беймәлім. Мұның бәрі коммунистік жүйенің адамзатқа қарсы жасаған зұлымдық қылмыстарын жасыру әрекеті.

Бұл саяхат ешкімді жай күйде қалдырған жоқ.