Қазақ тілінің мемлекеттік тіл ретіндегі толыққанды қызметін қамтамасыз ете отырып, мемлекеттік тілдің қолданылу аясын кеңейту мақсатында құрылған  жоспарға сәйкес, мектебімізде ерекше дарын иесі, өз заманының қайталанбас ақыны М.Мақатаевтың туған күніне орай, қазақ тілі мен әдебиеті пәні мұғалімдерінің ұйымдастыруымен 2-10 сынып оқушылары аралығында мәнерлеп оқу сайысы өткізілді. Мәнерлеп оқу сайысының мақсаты: қазақ поэзиясының мұзбалағы атанған ақынның өмірі, шығармашылығымен таныстыру, ақынның поэзия құдіреті мен әндерін таныту. Ақын өлеңдері арқылы оқушылардың Отанға, халқына, тілге деген сүйіспеншілік сезімдерін ояту, отаншылдыққа тәрбиелеу. Биыл қазақтың ақиық ақыны Мұқағали Мақатаевтың туғанына 91 жыл! Тәңіртаудың мұзбалағы атанған ол 45 жыл ғұмырында артына мол мұра қалдырды. Қара өлеңнің қасиетін ұғынды. Ақынның отты жырлары ел ішінде кең танымал.