«Бір отбасы-бір кітап» акциясы аясында «Оқырман отбасы» байқауына №63 ЖББМ-нің  5 «А» сынып оқушысы Сарсекова Амира өзінің отбасымен бірге қатысып, ұлы  ағартушы Ыбырай Алтынсариннің «Өнер-білім бар  жұрттар» өлеңімен танысты.

 Ы. Алтынсариннің «Өнер – білім бар жұрттар» өлеңінде адам өмірінде оқудың, білімнің маңыздылығы туралы айтылған. Сонымен қатар өнер – білімнің арқасында қандай жетістіктерге қол жеткізуге болатыны туралы сөз қозғалған.

Өнер мен білімнің арқасында адамзат талай жетістіктерге қол жеткізді. Өлеңде тастан сарай салу, алыстан жылдам хабар алдыру, аты жоқ арбаны жүргізу, алыс жерлерге жарты күнде жету мүмкіндігі, адамды құстай ұшырып, отынсыз тамақ пісіру, теңізде балықтай жүзу мүмкіндігі туралы айтылған.

Қазіргі ғылымның өлеңде айтылғанға қоса ғаламтор, Ай мен басқа планеталарға ұшып, оларды зерттеу, түрлі аурулардың алдын-алу т.б. жетістіктері бар. Қазіргі заманда ғылымның  дамып, адам өмірін жеңілдететін құралдар ойлап табылған. Бұл ойлап табылған жаңа технологиялар адам өмірін жақсартады.

Жетекшісі: Калиева Айтгуль Закарьяновна