Бүгін қазақтың ақиық ақыны, қазақтың қара өлеңінің шебері, шынайы поэзия өкілі, ғажайып ақындардың бірі Мұқағали Мақатаевтың 90 жылдық мерейтойы. Ол қазақ поэзия əлеміне шетсіз-шексіз кеңістік пен көз сүрінген биіктік əкелген ақын. Құдіретті қарапайымдылықпен «күпі киген қазақтың қара өлеңін шекпен жауып, өзіне қайтарған» ақын. Кəусар сезім мен тояттамас көңіл, шалқыған шаттық пен мұңға тұнған махаббат, буырқанған шабыт пен сабырға көнбес сағыныш сыйлаған ақын.

Бүгін менің туған күнім.

Ой, бəле-ай!

Мына адамдар неге жатыр тойламай?!

Банкет жасап берер едім өзім-ақ,

Тəңірдің бір жарытпай-ақ қойғаны-ай, — деп кеткен ақынның туған күнін бүгін күні еске алып, тойламайтын халық кемде-кем. Бүгінгі күні 9-сынып оқушыларына қазақ тілі сабағы ақынға деген құрмет, сүйіспеншілік мақсатында өтілді.

Пән мұғалімі: Рымбекова А.А.