Қазақстан Республикасының Тәуелсіздік мерекесі қарсаңында мектебіміздің қазақ тілі мен әдебиеті пәні мұғалім Назым Сағатбекқызы және директордың тәрбие жөніндегі орынбасары Ирина Андреевнаның ұйымдастыруымен зум платформасы арқылы тарих ғылымдарының кандидаты, археология, этнология және Отан тарихы кафедрасының доценті Нұрсахан Ахметқызы Бейсенбековамен кездесу өтті. Ғалыммен кездесу барысында ұлық мекере Тәуелсіздік күні, оның еліміз үшін маңыздылығы, мектебімізде жүріп жатқан үлкен жобалардың бірі «Г.Н.Потанин әлеміне саяхат» тақырыптарында жақсы ойлар айтылып, оқушылар жұмыстарымен бөлісті. 7 сынып оқушысы Нурланова Армана жетекшісі Ақбарова Назираш Қайроллақызымен зерттеген тақырыбын ұсынса, 1-сынып оқушысы Грекова Софья мен 5-сынып оқушысы Ткаленко Анна өлеңдерін оқыды. Кездесуге қатысушы оқушылар конағымыз Нұрсахан Ахметқызына сұрақтарын қойып, тұщымды жауап алды. Өте мәнді, маңызды кездесуде тағылымды ойымен бөліскен Нұрсахан Ахметқызына мектеп ұжымы атынан алғысын мектебіміздің директоры Кулмуханова Роза Жаскеновна айтты.