Адамзаттың ақылман абызы атанған Абай Құнанбайұлының 175 жылдық мерейтойына орай мектебімізде, қазақ тілі мен әдебиеті мұғалімдерінің ұйымдастыруымен "Абайдың "толық адам" концепциясы және оның қазіргі қоғамдағы келбеті" атты қалалық семинар өтті. Ұлы ақынның шығармалары әрбір оқырманның жүрегінен орын алады. Оның асыл мұрасы – өлеңдері мен қара сөздері сан ұрпаққа үлгі болып қала бермек.Ұлы Абайдың шығармаларының ішінде шоқтығы биік туындылары – оның қара сөздері. Іс-шара барысында мектебіміздің 10 Б сынып оқушылары: Сурганова Карина, Алимбаев Тимур, Корляков Илья мен Низамеева Делия Абай Құнанбайұлының "17 қара сөзін" нақышына келтіріп, жатқа мәнерлеп оқуда өз шеберліктерін көрсетіп, көрерменнің ықыласына бөленді. Жетекшісі: қазақ тілі мен әдебиетінің мұғалімі, Жусупова Гулмайра Маратовна.