Абайдың музыкалық мұрасы қазақтың ұлттық өнері тарихында ерекше орын алады. Абайдың әуендік таланты халықтық негізде дамып, ақынның рухани жан-дүниесі, әлемге көзқарасы оның лирикалық әндерінде айрықша көрсетілген. Абай әндерінің бізге толық жеткен себебі - олардың халықтың жүрегінде сақталуға сапасы сай келетін шығармалар болғандығында, халық санасынан өшпес орын алғандығында. Абай әндерінің өзгешелігі - мелодиялық, ырғақтық жаңалықтарында, идеялық мазмұнының ашықтығында. 

Абай атамыздың әндерін оқушылар сүйіп тыңдайды және оқушылардың музыкалық шығармаларды тыңдау арқылы халықтың салт-дәстүрін, тәрбиесін бағалай білуге үйретеді. Мектебімізде «Қазақтың жүз әні жобасы» өз жалғасын табуда. Соған орай 5 «В» сынып оқушылары: Капанов Ермек, Губина Анжелика, Юн Яна, Калиев Темирлан, Корлякова Елизавета Абай атамыздың  «Көзімнің қарасы...» әнін өз нақышына келтіріп орындады. Жетекшісі: қазақ тілі мен әдебиеті пәні мұғалімі: Серік Алуа Дюсенқызы.