Мектепішілік «Сен неткен бақытты едің, келер ұрпақ» атты Қасым оқуларына мектебіміздің 9 А сынып оқушылары да ақынның өлеңдерін оқып, әндерін айтып атсалысты. Самат Дулат ақынның «Дүниеге жар» өлеңінен үзінді оқыды. «Дүниеге жар» бұл өлең қазақ халқының тағдыр- қасіретін еркін суреттеп, батыл жеткізеді. Бұл өжеттілік пен қайсарлық Қасымға ғана тән қасиет. Жалпақ әлемге жан дүниесін жайып салу - ақын адамның өзге жұмыр басты пенделерден жалғыз-ақ айырмасы екендігін көрсетті. Бірақ, сол жалпақ әлемді аузына қарату үшін қанша рухани ерлік керек. Шын ақынның құзар шыңдай өр келетіні осы шығармадан көруге болады.