Бүгін, 9 мамыр, Ұлы Жеңіс күні біз Ұлы Отан соғысының құрметті ардагері Анастасия Николаевна Киселеваны шын жүректен құттықтаймыз. Сіздің адамзат тарихындағы шексіз батылдықтарыңыз бізге жарқын болашақ пен бейбіт аспанды қамтамасыз етті. Бұл ерлік туралы естелік ғасырлар бойы өмір сүретін болады.
1942 жылы тамыз айында Анастасия Николаевна құрбыларымен әскери комиссариатқа оларды фашистік басқыншылармен күреске майданға жіберу туралы өтініш жазды. Оларды әскерге шақырып, әскери-медициналық училищеге оқуға жіберді.Ленинград қаласынан Омбы қаласына көшірілген Щорс. 1942 жылдың 20 желтоқсанында училищенің курсанты болып қабылданды.
1943 жылы 15 қыркүйекте Анастасия Николаевна училищені бітіріп, әскер қатарына жіберілді. Оны 4-ші Украин майданының 2-ші гвардиялық әскеріне № 2593 эвакогоспитальге аға медбике лауазымына жіберді, оған кіші лейтенант атағын берді.
Оның майдан жолы Украина, Қырымда жүрді. Қырымнан кейін 3-ші Белорус майданының 2-ші гвардиялық әскерінің құрамында Белоруссияны азат етті. Содан кейін 2-ші Балтық жағалауы майданының құрамында Шығыс Пруссиясын, Бартенштайн, Кенигсберг, Гранц қалаларын босатты. Жеңіске Гранц қаласында Балтық теңізінің жағасында қарсы алды.
Анастасия Николаевна 2-ші дәрежелі Отан соғысы орденімен, "Жауынгерлік еңбегі үшін", "Кенигсбергті алғаны үшін" медальдарымен, көптеген мерейтойлық медальдармен марапатталды. Әскери атағы - медицина қызметінің капитаны.
Ұлы Отан соғысындағы Жеңістің 75 жылдығына орай Анастасия Николаевнаға Қазақстан Республикасының Президенті Қасым-Жомарт Тоқаевтың құттықтауы жіберілді. Ардагер мерейтойлық медальмен марапатталды. Біздің қаламызда Ленин көшесінде Анастасия Николаевнаның құрметіне билборд орнатылды.
Авторство:
