Қазақстан Республикасының 20 жылдығы қарсаңында №63 орта мектебінде 2011 жылдың 12 қарашасында мектептің ашылғанына 50 жыл толуына арналған мерекелік шара өтті.

         Мерекеге дайындық кезінде зор жұмыс атқарылды: 1965 жылдан бастап аттестаттар тапсыру кітаптары бойынша мектеп түлектері іздестіріліп, түлектер мен мұғалімдердің естеліктері бойынша мектептің абыройын көтерген 50 жыл ішінде қызмет атқарған барлық ұстаздардың есімдері анықталды.

         Мерейтойға дайындық жөніндегі ақпараттық топ 180 астам сыныптың фотосуреттерін жинап, мектеп директорлары туралы, белгілі математик ұстаздар Борис Глебович Шегай, Александр Кох туралы, о дүниеге аттанған ұстаздар туралы слайд-фильмдер шығарып,  «№63 мектебінің түлектері», «Мұғалімдер», «Мектеп директорлары»  атты фотокөрме ұйымдастырылды. Ғаламторда «Сыныптастар» сайтында мектептің жеке парағы ашылып, түрлі мемлекеттерге жолданған түлектер мен мұғалімдер пікір алысып, бір-бірін тауып жатыр. Мектеп парағында да фотокөрме ұйымдастырылуда.

         Көптеген түлектер мен мұғалімдерден ұзақ жылдар бойы іздеген достарымен, оқушыларымен, мұғалімдерімен хабарласқандары үшін алғыс түсіп жатыр.

         Қалалық білім бөлімінің атынан Е.В.Лаверженцева мектеп ұжымын мерейтойымен құттықтап, сыйлық ретінде 500 мың теңгеге сертификат ұсынды.

         Қарағанды қаласында тұратын, басқа да мемлекет пен қалаларда тұратын мектепте еңбек еткен 57-ден астам ұстаз мерекеге шақырылды.

         Алматы қаласынан мектептің түлегі 1960-70 жылдары география пәні мұғалімі Высторобская Клавдия Алексеевнаның қызы Добахова Светлана қонақ болды. Светлана Петровнаның отбасында анасы Клавдия Алексевнаның біздің мектепте еңбек еткен жылдары туралы естелік ерекше сақталуда. Борич Глебович Шегайдың қызы Рахманова Елизавета Борисовна фотоматериалдарды жинақтауда зор көмек көрсетіп, әкесіне арналған естелік үшін алғыс айтты.

         Біздің болашақта мектеп мұражайын ашу бойынша жұмысты жалғастыратынымызды естіп, болашақ мұражай қорына өз үлестерін қосып, олардың бастамаларын басқа да түлектер қостады.

         Қатысқан барлық ардагерлер атынан орыс тілі мен әдебиеті мұғалімі, соңғы жылдары Қарағанды мемлекеттік университетінің оқытушысы болып жұмыс істеген ұстаз Ветренко Тамара Евсеевна құттықтады.

         Мерекеге 300-ден астам түлек қатысты. Олардың назарына концерттік бағдарлама ұсынылды. Бағдарламаға мектеп түлектері (Троценко Яков, 2001 ж.), мұғалімдер, 5-9 сынып оқушыларының хоры қатысты. Мерекенің қонағы Болгария, Турция, Египет, Греция, т.б. мемлекеттерде өткен халықаралық байқаулардың Бас жүлдесінің 20 мәрте иегері Балалар мен жеткіншектер сарайының «Волшебная страна» үздік би ансамблі  ерекше әсер қалдырды. Ол ансамбльдің жетекшісі – біздің мектептің 1965 жылғы түлегі, Қазақстан Республикасының Мәдениет министрлігінің «Мәдениет қайраткері» құрмет белгісінің иесі, халықаралық байқаулар лауреаты, «Ең үздік ұстаз – 2010» атағының иегері Дедуренко Лариса Михайловна.

         Мектеп атына Германиядан мектепті әр жылдары басқарған директорлар Яблонская Л.Ф., Оленберг И.А., Ресейден В.П.Поповичтен құттықтау хаттары келді. Дүниенің түкпір-түкпірінде өмір сүріп, еңбек етіп жатқан түлектерден де құттықтау жеделхаттары түсті.