«Көркем еңбек» бойынша мектеп бағдарламасы шегінде, 6 «А» және 6 «Б» сыныбы оқушыларының көмегімен «Қызыл телпектің жаңа оқиғалары» көлеңкелер театры көрінісі дайындалды.  Балалар, Н.С. Приймак мұғалімінің басшылығымен көрініске арналған қуыршақтар мен декорациялар дайындады, сценарий өңдеді, сүйемелдейтін музыкасын тауып, көрініс қойды.

Көріністің тұсаукесері 2018 жылдың 14 қарашасында - 6 «А» сыныбының көркем еңбек сабағында өтті. Көрермендер ретінде мектеп ұстаздары мен оқушылары шақырылды. Екінші көрініс, 2018 жылдың 16 қарашасындағы ата – аналар жиналысынан кейін, 6 «Б» сыныбы оқушыларының ата – аналарына ұйымдастырылып, қойылды.

Көрініс барысында қуаныш пен күлкі атмосферасы орнады. Көрермендердің көбісінде көлеңкелер театрының жаңа көрінісіне келіп, кейіпкерлерді өз қолдарымен жасауға ықыластары ашылды.