Күзгі піскен көкөніс пен жеміс-жидек, қауын-қарбыздан, өсімдіктерден жасалған   әртүрлі мүсіндер мен гүл шоқтары көрменің   көркін аша түсті. Көрмеге сайысқа оқушылармен бірге ата-аналар да белсене қатысты. Күз жәрмеңкесіне келген қонақтар қауын-қарбыз, қызанақ, қияр, сәбіз, қызылша, сарымсақтардың,  алма мен алмұрт, жүзім мен жидектердің тіл үйірген дәмін татты. Бастауыш сыныптардан қатысқан бүлдіршіндер де өз кезегінде ойға келген қиялдарын  нәзік қолдарымен жасалған бұйымдары арқылы танытып бақты. Жәрмеңкеге қатысушылар киген киімдерін де күз кереметтерімен безендіріпті. Бұл мерекеден қатысушылар адамгершілік-этикалық тәрбие ала отырып, экономикалық білімдерін кеңейте түсті деуге болады.