Балалар мен жасөспірімдердің жазғы демалыстарын, бос уақыттарын, сонымен қатар, сауықтырылуын ұйымдасқан түрде өткізу, олардың шығармашылық және көшбасшылық қабілеттерін дамыту мен жүзеге асыру, әлеуметтендіру жүйесін жалғастыру, кәмелеттік жасқа толмағандар арасында құқықбұзушылықтың, қараусыз, қадағалаусыз қалуларының алдын алу, жасөспірімдердің сапалы демалулары мақсатында балалар мен жасөспірімдердің жазғы демалыстарын ұйымдастыру үшін "Жаз-2016" бағдарламасы жасалды.

Кейбір ата-аналар уақытының тығыз болуына байланысты балаларын толыққанды, дұрыс ұйымдастырылған демалыста болуын қамтамасыз ете алмайды. Алайда, әр ата-ана баласының жазғы демалыста пайдалы іспен айналысқанын қалайды. Сондықтан мектеп осы күнге дейін балалардың, оның ішінде жетім, ата-анасының қарауынсыз қалған, алдын алу бойынша есепте тұрған балалардың, әлеуметтік жағдайы төмен, сонымен қатар, өмірдің қиын кезеңінде жүрген, азқамтылған және көпбалалы отбасынан шыққан балалардың және дарынды балалардың жазғы демалысын, сауықтырылуын, еңбекпен қамтылуын қадағалайтын бірден-бір мекеме болып келеді.