2014 жылдың 9 сәуір айында мектебімізде «Өскелең ұрпаққа эксперименталды білім беру патриоттық тәрбиенің негізі» атты облыстық әдістемелік семинар өтті. Семинар «Ю.Н. Павлов атындағы № 35 жалпы білім беретін орта мектеп» КММ аясында өткізілді.Семинарда қосымша білім беру саласындағы педагогтар, эксперименталды жұмыс жүргізушілер, мектебіміздің әлеуметтік серіктестері:  Қарағанды облысы ІІД Әкімшілік полиция басқармасы басшысының орынбасары – Рахимбеков Нурлан Ахмадиевич, ювеналды полиция басшысы – Куттыбаев Рустем Сергеевич, оқу ісінің үздігі – Карибекова Магрифа Аманбековна, парашют спортының шебері – Журавлева Вероника Павловна, Қарағанды облысы оқу-әдістемелік орталығының қызметкері – Елешова Салтанат Мейрамовна, Қазақстан Республикасы туризм және спорт саласының Құрметті қызметкері, Қарағанды облысы туризм клубының  директоры – Кистанов Сергей Павлович, БЖОМ күрес директоры – Папа Геннадий Анатольевичтардың ат салысуымен бүгінгі күнде мектебіміздегі эксперименталды жұмыс жемісті нәтиже беруде.  Семинар теориялық және тәжірибелік болып екі бөлімнен құралды. Семинарда эксперименталды сыныптарда қосымша білім берудің маңызы туралы сөз қозғалды.Мектебіміздің мақтаныштары кадет және Әлия сыныптары көрермендерге көтеріңкі көңіл-күй сыйлады. Қонақтарымызға Көңілді тапқырлар клубының әзілдері, Қазақстан туралы әсем әуендер, билер, үгіт тобының өнерлері көрсетілді. Сонымен қатар, дебаттық айтыс сөздер мен бейнелеу өнері сабағының кейбір үзінділері көрсетілді. Сабақта декоративтік қолданбалы өнер жұмыстарының орындалуы және оқушылардың сурет көрмесі ұйымдастырылды. Кадет сыныптары спорттық ұрыс түрлерін, автоматты шашу мен құрау және де алғашқы медициналық көмекті қалай көрсету керектігі жайында өздерінің шеберліктері мен білімдерін ортаға салды. Семинарға ат салысқан мұғалімдер қауымына және оқушыларымызға мың да бір алғыс білдіреміз.