2013 жылдың 29 қазан айында дәстүр бойынша «Ю.Н. Павлов атындағы № 35 ЖББОМ» аясында «Қамқоршы күні» өтті. Бұл күнді белгілі бір себептермен ата-анасының қамқорынсыз қалған балалардың тәрбиесін өз жауапкершілігне алған ата-аналардың ерекше мейрамы деп айтуға болады. Бұлар сый-құрметке, үлгі алуға лайық адамдар.

   Аталған шараға қамқоршы ата-аналар, мектеп әкімшілігі, әлеуметтік педагог, психолог және қамқорлыққа алынған балалардың сынып жетекшілері қатысты. Дөңгелек үстел барысында қамқоршыларға қамқорлыққа алынған балалардың отбасында қалыптасуы үшін мемлекет тарапынан берілетін жәрдем туралы сөз қозғалды. Мектеп психологы тарапынан отбасындағы жақсы жай-күй және кейбір уақыттағы кикілжің тудыратын себебтердің алдын алу туралы кеңестер берілді.

   Қамқоршы ата-аналар өз тәжірибелерімен бөлісіп, мектеп тарапынан қолдау алғандарына алғыстарын білдірді.

    Мектеп әкімшілігі балаларға деген жан жылулары, мектеппен серіктестігі үшін ата-аналарды алғыс хатпен марапаттап, сыйлықтар тарту етті.