2013 жылғы 9 қазан айында қалалық деңгейде қазақ тілі мен әдебиеті пәні бойынша «Қазақ тілін оқытуда оқушылардың функционалдық сауаттылығын сын тұрғысынан ойлау арқылы дамыту» тақырыбында семинар өтті.

    Бұл семинарға Қарағанды қаласы мектептерінің қазақ тілі мен әдебиеті пәнінің мұғалімдері қатысты.

     Семинардың ашылуында Қарағанды қаласы білім бөлімінің әдіскері Г.С. Ибадулаева мен №35 ЖББОМ-нің директоры З.О. Агзамова семинарға қатысушыларға жылы лебіздерін білдіре отырып, еңбектеріне жеміс тіледі.

         М.Т. Күзембаева «Алтын сақа» ертегісі (6 в), М.Т. Оспанова мен география мұғалімі О.В. Пешкова «Қазақстан әсем қалаларына саяхат» (10 А), М.Е. Сатибекова «С.Сейфуллин «Аққудың айрылуы» (8 Б) атты ашық сабақтар өткізді.

       Мектеп басшысы, қазақ тілі мен әдебиетінің жоғары санатты мұғалімі, 9-сынып  «Қазақ тілі» оқулығының авторы Агзамова Зауре Омиртаевна өз іс-тәжірибесімен бөлісіп, ұстаздарға «Мастер-класс» өткізді.

    Сатибекова М.Е., Гева О.А., Заитова Л.И. «Туған жер» атты сыныптан тыс іс-шара көрсетті.

   Семинар соңында рефлекция кезінде қонаққа келген мұғалімдер мектеп әкімшілігіне және қазақ тілі мен әдебиеті пәнінің бірлестігіне өздерінің алғыстарын білдірді.

   Мектеп әкімшілігі  қазақ тілі мен әдебиеті пәнінің бірлестігіне және семинарды ұйымдастыруға, өткізуге белсене қатысқан мұғалімдерге үлкен алғысын білдіреді.