Бүгін, 30 қыркүйек айында «Өрлеу» БА ҰО» АҚ филиалы Қарағанды облысы бойынша педагогикалық қызметкерлер біліктілігін арттыру институтының аға оқытушысы, филология ғылымдарының доценті Смагулова Ғазиза Ғабдулаевнаның жетекшілігімен және № 35 ЖББ орта мектебінің директоры Агзамова Зауре Омиртаевнаның ұйымдастыруымен «Қазақ тілін оқытуда оқушылардың функционалдық сауаттылығын сын тұрғысынан ойлау арқылы дамыту» тақырыбында облыстық семинар өтті.

«Ән шашу» бағдарламасында Данияр Оразбаевич 6 «а» «кадет» және

6 «б» «Әлия» сыныбындағы оқушылармен көңілді тапқырлар клубымен көрсеткен қойылымы қонақтарды сергітіп, жағымды көңіл – күй сыйлады. Сонымен қатар Готовская Мария Абайдың «Көзімнің қарасы» әнін, Рысбай Ахмет Дәулеткерейдің «Көроғлы» күйін, 5 «Б» сынып оқушы Зыямеденов  Нұртөре «Тепең көк» күйін, 4 «Ә» сыныбының оқушылары Гүлдана мен Әлия мың бұралған қазақ биін шашуға тартты.

         Зауре Омиртаевна мұғалімдермен «Шеберлік сабағында»  өзінің іс-тәжірибесімен бөлісті. Рефлексияны «Ойлы алты шляпа» негізінде өзкізуі келген қонақтардың көңіліне ерекше жылы әсер етті.

   Ғазиз Жібек Хамитқызы мұғалімдерді қарсы алуда қазақи қонақжайлылық танытты.

      Күзембаева Мейрамгүл Төлеутайқызы мен Қазақстан тарихы мұғалімі Вырва Евгения Александровна 9 «а» сыныбымен «Абай Құнанбайұлы» тақырыбында кіріктірілген ашық сабақ өткізді. Келген қонақтарға мұғалімдердің кезектесе сабақ өткізуі өте ұнады.