«Жас сарбаз» сыныптарына жаңадан қабылданған оқуда үздік, белсенді оқушылар, ең бастысы жас сарбаз атағын және сүйікті мектебінің абыройын қадірлеуге серт берді. Салтанатты шараға «Астана» өңірлік қолбасшылығының өкілдері мен ата-аналар қауымы қатысып, жылы лебіздерін білдірді.
- Осы уақыт арасында көптеген оқушылар «Жас сарбаз» қатарын толықтыруға ниет білдіре отырып, үлкен жетістіктерге қол жеткізді. Тұңғыш Президентіміздің қолдауы мен тапсырмасы аясында «Жас сарбаз» ұйымының мүшелері қайырымдылық акцияларына белсенді түрде қатысып, өзге оқушыларға да үлгі бола білді, - деді «Астана» өңірлік қолбасшылығы қолбасшысының орынбасары полковник Мұрат Ағыбаев.
Естеріңізге сала кетейік, «Астана» өңірлік қолбасшылығының «Жас Ұлан» әскери-патриоттық клубы аталған білім ордасының базасында орналасқан. Әскери қызметшілер мен аталмыш мектептің мұғалімдері жас патриоттарды Отансүйгіштікке, қоршаған ортаны қорғауға баулуда бірқатар жұмыстар атқарып келеді.
Кеш қонақтары әскери тәртіпке қадам басқан жасампаз елдің қайсар ұл-қыздарына биіктерге самғап, жоғарғы жетістіктерден көрінулеріне тілектерін арнады.
