Ерлік - елдікке жеткізер
Қарағанды гарнизонындағы механикаландырылған бригаданың сарбаздары «Ю.Н.Павлов атындағы жалпы білім беретін мектептің» «Жас Сарбаз» сыныбының оқушыларына «Ерлік сабағын» өткізді.
Ашық сабақ барысында оқушылар мен әскери қызметшілер батырлардың кемеңгерлігі, батылдығы және ұлтжандылық туралы пікір алмасып, өз ойларымен бөлісті. Шараның негізгі мақсаты – өскелең ұрпақты отансүйгіштікке тәрбиелеу, елді құрметтеуге баулу болып табылады.
- Болашақ дәл бүгінен басталады. Ал төл тарихымызды білу және қастерлеп құрметтеу, мына біздің міндетіміз. Егемен елімізді қорғау- әр азаматтың қасиетті борышы деп білемін. Бүгінгі шарадан көп нәрсе түйдім. Біз сияқты мектеп қабырғасындағы оқушыларға осындай шаралар жиі ұйымдастырылғаны жақсы”,- деді 8-сынып оқушысы Бағдат Жұманов.
Сонымен қатар, Қазақстан Республикасының​ Қарулы Күштері қатарында қызмет атқару ерекшеліктері, мемлекет тарапынан көрсетілер көмек жайы да айтылды. Оқушылар көкейлерінде жүрген сауалдарын қойып, тұшымды жауап алды. «Ерлік сабағы»-оқушылардың бойында патриоттық сезімді қалыптастыруға, ұрпақтар сабақ тастығын сақтауға ықпал жасайтын бірден-бір шара болып табылады.