Жалпы білім беретін  №77 мектеп-балабақша  кешенінде  «Ал, қанекей, әжелер!» атты әжелер сайысы өтті. Сайысқа  1-А;  1-Ә;  1-Б,  1-Ғ және 1-Д сыныптарының әжелері қатысып, өздерін және сыныптарын өлең шумақтарымен таныстырып өтті. Балаларға  қазақ  халқының  «Тоқымқағар», «Бесікке салу», «Сәбиді қырқынан шығару», «Тұсаукесер»  сияқты салт-дәстүрлерінің  мәні-мағынасы  жайлы  айтып, көрініс арқылы көрсетті. Келесі кезекте әжелер қазақ халқының тарихы жайлы, шешендік өнеріне байланысты білім-біліктіліктерін ортаға салды. Ал, өнер сайысында ән шырқап, қолөнер шеберліктерін көрсетті. Сайыс қорытындысында 1-А сыныбының әжесі Аманбаева Ғанигүл апай «Әнші әже», 1-Ә сыныбының әжесі Аубакирова Ақлима апай «Білгір әже», ал, 1-Б сыныбынан Ақманқызы Амантай әже «Шебер әже», 1-Ғ сыныбынан Абдрахманова Бақытжамал әже «Өнерлі әже», 1-Д сыныбының әжесі Ахмедина Гүлнар апай «Өнегелі әже» номинацияларын иеленді.