2017 жылдың 21 қаңтар күні сағат 12.00-де Қарағанды облыстық білім басқармасының ұйымдастыруымен онлайн режимде ата-аналар жиналысы өтті. Аталған жиынға мектеп педагогтары мен ата-аналар қатысып, балалардың өмір қауіпсіздігі, интернетті пайдалану қауіпсіздігі, діни экстремизмнен балаларды қалай қорғауға болады, білім берудің жаңартылған мазмұны, Edu-mark қосымшасымен және электронды күнделікпен жұмыс жасау жолдары, «Айқын» тестінің қызметі  жайлы т.б. ақпараттармен танысты. Соңында мектеп директоры З.Р.Жантыбаева Қарағанды облысы білім басқармасының 2017 жылдың 9 қаңтардағы №11-7.40 хатының негізінде терроризм қаупі туындаған кездегі мінез-құлық ережелері жайлы Қазақстан Республикасының ішкі істер министрлігі әзірлеген жадынамамен ата-аналарды таныстырды.