Жалпы білім беретін №77 мектеп-балабақша кешенінде «Салауатты өмір салтын ұстан!» ұранымен денсаулық фестивалі өтті. «Денсаулық-2015» фестиваліне 1245 оқушы, 375 ата-ана, 83 педагог, 138 шағынаудан тұрғындары қатысты. Фестиваль барысында акцияның ашылу салтанаты өткізіліп, соңында оқушылар мен ата-аналар, ұстаздар кешенді дене шынықтыру жаттығуларына қатысты. Оқушылар арасында «Көңілді мәре» сайысы, пионербол, волейбол, мини-футболдан өткен жарыстар өте қызықты ұйымдастырылды. Жеңімпаз командалар мектеп директорының мадақтамасымен марапатталды.
Сонымен бірге «Мен және менің денсаулығым» атты тәрбие сағаттары, «Бақытым да, байлығым да- денсаулық» атты психологиялық тренингтер оқушылардың арасында қарым-қатынасты нығайтуға, өз денсаулықтарына жауапкершілікпен қарауға, жағымсыз көңіл-күйден арылу, күш-қуат жинау, өзін-өзі тану, құрметтеу, өзін еркін сезінуге мүмкіндік, қолдау берді.
Мектептің 1 қабатындағы фойеде «Денсаулық қалашығы» жұмыс жасап, адамдардың қан қысымын, салмағын өлшеп, салауаттылық, денсаулық сақтау, дұрыс тамақтануға байланысты дәрігерлік-психологиялық кеңестер берілді.
Спорттық шаралардың соңы дұрыс, құнарлы тамақтануды насихаттау мақсатындағы мерекелік жәрмеңкеге ұласты.
Contacts
