Educational organizations of the education department of the city of Karaganda - Бауыржан Момышұлы атындағы ЖББМ

23.10.2019 | Бауыржан Момышұлы атындағы ЖББМ

Жалпы білім беретін №77 мектеп-балабақша кешенінің оқушылары, ата-аналары және ұстаздар қауымдастығының ынтымақтаса атқарған жұмысының нәтижесінде «ЭкоChallenge» республикалық жобасында мектебіміз үздік нәтиже көрсетіп, 1-орын иелендік. Сол себепті қайта өңдеу кәсіпорындарының жұмысы бойынша Қарағанды облысына жасалған пресс-турге қатысушылар мектебімізде қонақта болып, экологиялық бағытта жүргізіліп жатқан жұмыс мазмұнымен танысты. Мектеп оқушылары қонақтарды «ЭкоChallenge» республикалық жобасы аясында ашылған «Экология» залымен таныстырды. «Экология» залында оқушылар үйірмелерде үйренген «Шыны ыдыстағы бақ» флордизайн жұмыстарын, түрлі тұрмыстық қалдықтар түрінен дайындалған бұйымдар көрмесін көпшілік назарына ұсынды, тәжірибелерімен бөлісті. Сонымен бірге «Eco Truck» жобасының еріктілері мектеп оқушыларымен жобаны таныстыруға арналған оқу-тәжірибе сабақтарын өткізді. Сондай-ақ, оқушылар мектеп ауласына орналастырылған Қарағандыда пластик ыдыстарды қайта өңдейтін «Eco Truck» жылжымалы қабылдау бекетінің жұмысымен танысты