Тамыз айының 26-сы күні жалпы білім беретін №77 мектеп-балабақша кешенінде қазақ тілі мен әдебиеті мұғалімдерінің тамыз конференциясы өтті. ҚББ әдіскері Жаркеева Гүлназ Бекетовна «Рухани жаңғыру барысындағы тіл мен әдебиеттің орны» тақырыбында баяндама жасады. Сонымен қатар 2019-2020 оқу жылындағы ҚР жалпы білім беру ұйымдарында ғылым негіздерін оқытудың ерекшеліктері туралы әдістемелік нұсқау хатпен таныстырды.

Қазақ тілі секциясы бойынша

«Дәстүрлі тіл білімінің жетістектері және ХХІ ғасырдағы тіл білімінің жаңа парадигмалары» тақырыбында секциялық жұмыс топпен жалғасты.

1-топ. «Латын қарпі – рухани жаңғыру мен жаһанданудың негізі» тақырыбында шеберлік сыныбын өткізгендер: Тұрсынова Мархаба Ахметқалиқызы және Орден Сұраған.

2-топ. «Оқу сауаттылығы – білім сапасын жетілдірудің негізгі бағдары» тақырыбында шеберлік сыныбын өткізгендер: Айткенова Мөлдір Болатовна, Шүкірхан Назгүл.

3-топ. «Жаңартылған білім беру жағдайында қазақ тілін оқыту мәселелері» тақырыбында шеберлік сыныбын өткізгендер: Рахманова Гульбахар Абдикаймовна, Ускенбаева Шынар Садвакасовна.

 Қазақ әдебиеті секциясы бойынша

«Дәстүрлі әдебиеттанудың жетістектері және ХХІ ғасырдағы әдебиеттанудың жаңа парадигмалары» тақырыбында секциялық жұмыс топпен жалғасты.

1-топ. «Жаңартылған білім беру жағдайында қазақ әдебиетін оқыту мәселелері» тақырыбында шеберлік сыныбын өткізгендер: Сүлейменов Мұратбек  Балтинович пен Мусина Анар Ермековна

2-топ. «Эссе жазу теориясы мен практикасы» тақырыбында шеберлік сыныбын өткізгендер: Жақанова Жұпар Рысқұловна, Қасым Гүлбаршын.