« Тіл – алтын қазына»

Биылғы оқу жылының қыркүйек  айында жоспар бойынша бірлестік мұғалімдерінің « Тіл – алтын қазына», «Жүрегімнің түбіне терең бойла» атты тақырыптық апталық өтті. Онкүндікте ӘБ мұғалімдерінің барлығы ашық сыныптан тыс шаралар өткізді. Өтілген іс-шаралардың барлығы өте жоғары деңгейде өтпесе де, әрқайсысы өзінің ерекшелігімен дараланды. Апта бойы әр күн сайын мектепте бір мерекелік шара өткізіліп отырды.

Мақсаты: Рухани- адамгершілікке тәрбиелеу. Абай Құнанбаевтың  асыл мұралары, өсиетті сөздері арқылы адамгершілікке тәрбиелеу.

 Қыркүйектің 14-і күні 8 сынып арасында Ахметова А.А. «Абай – қазақ әдебиетінің шамшырағы» атты интеллектуалды сайыс өткізді.

   Абдирбаева Ш. М.  қыркүйектің 15-і күні 5- сыныптар арасында «Ұлыдан қалған асыл сөз » ашық тәрбие сағатын өткізді. Мақсаты: Ұлы ақын Абайдың 170 жылдық мерей тойының тойлану маңызын түсіндіру, білгендерін тереңдету. Халқы үшін қызмет еткен Абайдың салып кеткен сара жолын дәріптеу, достыққа тәрбиелеу.

Оқушылардың өз ұлтына, еліне деген сүйіспеншіліктерін арттыру. Қазақ тілінің мәртебесін көтеру.

   Жуманбаева А. О. қыркүйектің 16-і күні «Ұлылардан ұлағат» ашық тәрбие сағаттарын Абай Құнанбайұлына арнап өткізді.

Кадирова А. Е. Қыркүйектің 17-і күні «Тілім менің – тірегім!» әдеби-монтаж ретінде құрастырылған тәрбие сағатын өткізгі.

 Мақсаты: оқушыларға қазақ халқының бастарынан кешкен қиындықтар мен күрестер туралы айта отырып, бүгінгінің жеткен жемісі туралы айту.

Нуржанова С. У. «Тіл – халықтың қазынасы » атты әдеби кеш өткізді. Сынып әр түрлі суруттермен, нақыл сөздермен, жалаулармен, шарлармен эстетикалық талапқа  сай әдемі етіп безендірілген. Кешке 7 сыныптар оқушылары қатысты.

   Абикеева Н. Қ.   7 сынып арасында ««Бір шаңырақ астында» атты  тәрбие сағатын өткізді. Окушылар тәрбие сағатына белсенді қатысты . Бір кемшілігі көрермендер өте аз болғаны.

Шараның барлығы тек қазақ тілінде өтті. Бұл жерде біз әсіресе бастауыш пен орта буын оқушыларының тілге деген, тілді үйренуге, білуге талпыныстары зор екендіктерін аңғардық. Ең үздік деп танылған жұмыстар, өз өнерлерін ортаға салған талантты оқушылар, шебер орындаушылар апталық жабылу рәсімінде линейкада мақтау қағаздарымен және де азын-аулақ сыйлықтармен марапатталды.