Қамқоршылық кеңес

«Қазыбек Нұржанов атындағы гимназия»  КММ Қамқоршылық кеңесті қалыптастыру рәсімін және оның құрамы бойынша ұсыныстар енгізуді жариялайды. Қамқоршылық кеңес гимназия білім алушылары құқықтарының сақталуына қоғамдық бақылау көрсету үшін құрылады, Қамқоршылық кеңес мүшелерінің өкілеттік мерзімі – 3 жыл. Қамқоршылық кеңестің өкілеттіктері:

1. білім беру ұйымдарының білім алушылары мен тәрбиеленушілері құқықтарының сақталуына, сондай-ақ білім беру мекемелерінің есебінен түсетін қайырымдылық көмектің жұмсалуына қоғамдық бақылауды жүзеге асырады;

2. білім беру ұйымының Жарғысына өзгерістер және/немесе толықтырулар енгізу туралы ұсыныстар әзірлейді;

3. білім беру ұйымын дамытудың басым бағыттары бойынша ұсынымдар әзірлейді;

4. жетім балалар мен ата - анасының қамқорлығынсыз қалған балаларды қазақстандық азаматтардың отбасына орналастыру мәселелері бойынша шараларды жетілдіру жөнінде ұсыныстар әзірлейді;

5. қайырымдылық көмек түрінде білім беру ұйымына түскен қаржы қаражатын бөлуге қатысады және оны мақсатты жұмсау туралы шешім қабылдайды;

6. білім беру ұйымының бюджетін қалыптастыру кезінде ұсыныстар әзірлейді.

Шақырылады: жергілікті өкілді, атқарушы және құқық қорғау органдарының өкілдері, жұмыс берушілер мен әлеуметтік әріптестердің өкілдері, коммерциялық емес ұйымдардың өкілдері, ата-аналар комитеті ұсынған сыныптардың әр параллелінен осы ұйымда білім алушылардың бір ата-анасынан немесе заңды өкілінен, қайырымдылық жасаушылар. Қамқоршылық кеңестің жұмысын ұйымдастырудың үлгілік қағидалары және оны білім беру ұйымдарында сайлау тәртібі Қазақстан Республикасы Білім және ғылым министрінің 2017 жылғы 27 шілдедегі «Қамқоршылық кеңестің жұмысын ұйымдастырудың және оны білім беру ұйымдарында сайлау тәртібінің үлгілік қағидаларын бекіту туралы» №355 бұйрығына сәйкес жүзеге асырылады. Ұсыныстарды қабылдау мерзімі 2022 жылғы 22 қыркүйекке дейін.