Бүгінгі күн таңғы жаттығу мен линейкадан басталып, балалар күш-қуат алды. Экологиялық топтың жетекшісі Е.В.Вырва балалармен «Гринпис» атты қызықты викторина өткізді. «English Wold» тобының жетекшісі Д.С.Рамазанова «British breakfast» тақырыбында сабақ өткізді. Сабақ барысында балалар ағылшын асханасымен танысып, дастарқан басындағы этикетті үйренді. Спорттық топ мектеп алаңында ойын техникасын жетілдірді. Тарихи топ «Менің қалам – Қарағанды» атты ойын ұйымдастырды. Орыс тілі тобы ойын түрінде «Фразеологиялық гимнастика» сабағын өткізді. Қазақ тілі тобы «Қазақтың салт-дәстүрін  білесің бе?» деген тақырыпта викторина өткізді. Викторина соңында барлық топтар қалалық саябаққа саяхат жасауға аттанды.