2 ауысым лагер1нің ашылу күні

16 маусым 2014 жыл.«Балауса» жазғы сауықтыру лагерінің 2 ауысымының ашылуына дайындық басталып кетті. Әр топ топтың ұрандарын, әндерін жаттап дайындалды. Лагердің ашылуынан кейін, лагерь балалары Теміржолшылар мәдениет үйіне, «Мальвина» қуыршақ  театрын тамашалауға барды. Қуыршақ театрында әр түрлі аңдар мен жан – жануарлардың қойылымын тамашалап қайтты. Мектепте балалар таза ауады ойындар ойнап, мәз- мейрам болып үйлеріне тарқасты.

Зиянды заттар зардабы

17 маусым 2014 жыл. «Балауса» лагерінің бұл күні күндегідей бой сергітер таңғы жаттығумен басталды. Таңғы жаттығудан кейін балалармен әр топтың тәрбиешілері, нашақорлық туралы профилактикалық әңгіме жүргізді. Балаларға нашақарлықтың адам денсаулығына және болашағына зиянды екені туралы айтылды. Жүргізілген әңгімеден кейін әр топ «Мен өмірді таңдаймын» тақырыбында сурет салды.

Қауіпсіздік күні

18 маусым 2014 жыл. Лагерге жиналған балалармен таңғы жаттығу жасалды. Топ тәрбиешілері лагердің балаларына күнде жол, өрт,  су қау1псіздігі ережелері туралы әр күн серуенге шыққан сайын пысықтап, айтып түсіндіреді. Бүгін балаларға өрт қауіпсізді туралы айтылды. Әңгімеден кейін барлығы Октябрь ауданы өрт сөндіру мекемесіне жол тартты. Өрт сөндіру мекемесіне келген балаларға, мекеме қызметкері өрт сөндіру машинасын және киімдерін көрсетіп, таныстырды. Балалардың қойған сұрақтарына жауап бере отырып, тез киініп, шешіну әдістерін көрсетті.