2014 жылдың 19 мамырында №82 ЖББОМ дәстүрлі үздіктер слеті өтті.
Бұл мереке бір жыл бойы тәлім-тәрбие берген, біліммен қаруландырған ұстаздар мен ата-аналардың еңбегінің жемістерін, өткен оқу жылында жеткен жетістіктеріміз бен жақсылықтарымызды паш ететін қуанышты күн болды десек артық болмас. Биыл мектебіміздің 94 оқушысы үздік атанды.
Дәстүрлі мерекеде мектеп директоры Альмагамбетова У.А. өз құттықтау сөзін озат оқушыларға, ата-аналарға және ұстаздарға арнады.
Ұстаздардың еселі еңбегінің нәтижесінде түрлі пәндік олимпиадаларда, ғылыми жобаларда, көркемөнерпаздар мен спорт сайыстарында аудан, облыста жеңімпаздар мен үздіктер қатарынан көрінген шәкірттерге мадақтамалар мен «Оқу озаты» төс белгісі, ата-аналарға Алғыс хаттар табыс етілді.
Слет бағдарламасы әр оқушының қабілетіне байланысты 6 бөлімнен тұрды. Олар: «Бишілер», «Музыканттар», «Суретшілер», «Шығармашыл оқушылар», «Ағылшындар» және «Спортсмендер». Әр оқушыға арналған слайд- фильм олардың жетістіктерін көрсете білді.
Слет барысында «Біздің жетістіктеріміз» атты көрме ұйымдастырылды. Слет соңында дәстүр бойынша бірінші сыныптың үздік оқушыларына жоғары сынып оқу үздіктері «Білім алауын» табыс етті. Мереке үздік оқушыларының ант беруімен аяқталды.
Байланыс телефондары
