Бүгін мектебіміздің төрінде жас зиялыларға арналған танымдық , "Алтын жұлдыз" сыйлығының  иегері атанған "Мөлдір бұлақ" журналының бас редакторының орынбасары Саят Қамшыгер мырза,менеджері Қанат Есжанов және Орталық Қазақстан газетінің арнаулы тілшісі Аяулым Совет  ханыммен бастауыш сынып,орта,жоғары буын оқушыларымен қызықты кездесу өткізілді. Кешті қазақ тілі пәнінің мұғалімі А.А.Абильгазина ашып,сөз кезегін қонақтарға ұсынды.Саят мырза жалпы танымдық журналдың барлық айдарларымен таныстырып,қызықты әңгіме  пікірлерімен  ой бөлісті.Кезектегі сөз тізбегін Қанат мырза алып,өз ән шашуын сыйға тарту етті.Қонақтарды құттықтап бастауыш сынып мұғалімі М.Ж.Садуахасова еркін микрофон айдарымен кезекті бүлдіршіндер мен оқушыларға  ұсынып,олар көкейкесті сұрақтармен бірге өз қаламдарынан туындаған өлең шумақтарын және де қылқаламынан өрбіген суреттерін де ала келді.Қонақтар қойылған сұрақтарға нақты жауап беріп,өз сыйлықтарын да беріп жатты.Кездесу өте тартымды,қызғылықты,терең мағыналылығымен оқушылар есіне жақсы әсер қалдырды.