№74 жалпы орта білім беретін мектептің технология пән мұғалімдері Абжатов Мұрат Абжатович және Сулейменова Самал Балтиновна Еңбек күніне арналған 14-18 қыркүйек аралығында өтетін  «Сенің таңдауың» атты шара өткізді.

  16 қыркүйек күні 6 сыныпта «Әлемнің әміршісі - еңбек»  тақырыбында ашық кездесу сабағы өтті. Сабаққа байырғы шахтер және тылдағы еңбек ардагері Қарсыбекұлы Жұмабек және  Баймұханов Сапарғали шақырылып оқушылармен кездесу өткізілді.

 Ардагерлер Қарсыбекұлы Жұмабек және Баймұханов Сапарғали өткен еңбек жолдарының қызығы мен шыжығын оқушыларға айтып берді. «Еңбектің наны тәтті» дегендей маңдай терімен төгілген еңбектің бүгінгі таңда жемісін көріп отырғандарын әсерлі баяндалды.

Оқушыларға бұл кездесу ұнады және олар өз ойларын ортаға салды. Ардагерлер оқушыларға   өз мамандығының   шебері  болу тек  қажырлы еңбек пен білімнің арқасында болатынын  түсіндірді.