2024 жылдың 17 қазан күні «Мәңгі жаса, қыран елім!» тақырыбы аясында 25 қазан – Республика күніне және Сәкен Сейфуллиннің 130 жылдығына орай №74 мектептің қазақ тілі мен әдебиет пән мұғалімдері мен кітапхана қызметшілері және оқушыларымен бірігіп «Қарағанды облысының тілдерді дамыту басқармасы» ММ «Ресурстық тіл орталығымен» іс-шара өткізілді. Мақсаты:
-жас ұрпақтың Отанға, туған жерге деген патриоттық сезімін ояту;
- оқушылардың ойды жүйелі жеткізу қабілетін ұштап, жазу мәдениетін қалыптастыру;
♦️ Мектептің 7-сынып оқушыларының басын қосқан іс-шараның шымылдығы Ресурстық тіл орталығының директоры Бибігүл Сәдуқызының ыстық ықылас тілегімен ашылды.
♦️Сайысқа «Бірлік», «Бүркіт», «Жас сұңқар» командалары қатысып, Ресурстық тіл орталығының бөлім меңгерушілері – Жұпар Рысқұлқызы және Диляра Серікқызы, сонымен қатар №74 жалпы білім беретін мектептің кітапхана меңгерушісі Салима Елубайқызы төрелік етті.
♦️Сайыс «Білгенге маржан», «Жас қаламгер», «Мықты болсаң,тауып көр» атты үш кезеңге бөлініп, тақырыпқа байланысты сұрақтар, тірек сөздер арқылы әңгіме жазу, мақал-мәтел құрастыруға берілді. Оқушылар сайысқа белсене қатысып, қызу тартысты бәсекеде өзара бақ сынасты. Барлық тапсырманы қызығушылықпен орындады. Сондай-ақ жанкүйер оқушылар сайыс арасында өнерін көрсетіп, көрермендерді ерекше ықыласқа бөледі.
♦️Іс-шара соңында қазылар алқасының мүшелері сайыс қорытындысын жариялап, жеңімпаздарға диплом мен естелік кітап табыстады.
Кітапханашылар: С.Е.Кубекова және қазақ тілі мен әдебиет пән мұғалімі Ходжаев С.А.
Авторство:
