Қарағанды қаласы № 74 ЖББ орта мектептің қазақ тілі мен әдебиет пәндерінің "Мақсатым сол - сөз тербетсем әрдайым" тақырыбы аясында  қазақ тілі мен әдебиет пән мұғалімі  Ходжаев Сабит Антаевичтің ұйымдастыруымен "Жұбан Молдағалиевтің  туғанына 100 жыл (1920-2020)" мерей тойына орай,   8 "А","Ә" сынып оқушылары және "Жас Блогер" жобасының тілшілері арасында сыныптан тыс "ZOOM" арқылы әдеби  кеш өткізілді.  Кеш өте қызықты, тартымды болды. Жұбан Молдағалиевтің  өмір жолы мен шығармалары туралы мәліметтер берілді.  Жұбан ақынның еңбектері мен өмір жолын қызу баян етіп, "Мен қазақпын" поэмасынан үзінділер жаттап, оқушылар белсенді қатысты. Поэманың қазіргі таңда өзектілігін, патриоттық сезімді оятатынын, халқымыздың барлық мінез-құлқын, салт-дәстүрлерін сипаттайтынын  жан-жақты талдап, оқушылар көптеген қажетті ақпараттар алды. Оқушылар және жас тілшілер өз ойларымен бөлісіп, тың ақпараттар ұсынып ортаға салды.