Қазақ әдебиетінің шоқтығы биік ірі тұлғасы
Абай Құнанбайұлының туғанына 175 жыл.

2020 жыл 15 желтоқсан күні №74 орта мектептің кітапханасында «Бір отбасы – бір кітап» облыстық акциясы аясында «Абай уақыттан тыс» әдеби викториналық ойын өткізілді. Викторина ойынына 9 «А», 9 «Ә» сыныптары және 10 «Б» сынып оқушылары қатысты. 9 «Ә» сынып жетекшісі Абильгазина Арнагүл Абдыкаримқызы қатысып, сүбелі үлес қосты. Оқушыларға Абайдың өмірбаяны мен шығармаларынан сұрақтар қойылып, Абайдың қара сөздері мен өлеңдері айтылды. Іс-шара өте тартымды өтті.
«Қазақтың бас ақыны Абай Құнанбаев. Абайды қазақ баласы тегіс танып, тегіс білу керек» деген А.Байтұрсынов.
Ұлы ақын өз шығармаларында халықты ғылым мен белсене айналысуға үндеді. Әркімді өзінің өткен әр күніне міндетті түрде есеп беріп отыруға, келер ұрпақты парасаттылыққа шақырды. Қараңғылықтан шығар, елді өркениетке жеткізер жалғыз жол — оқу-білім екенін жастарға түсіндірді. Ақынның мол әдеби мұрасы тек бір халықтың ғана емес, бүкіл адамзаттың рухани қазынасы болып саналады. Абай – халықтың үлгі тұтар қайраткер тұлғасы, данышпандық пен парасаттылықтың қайнар көзі.

№ 74 орта мектептің кітапханашысы
Рысмағанбетова Бақытгүл Құмарқызы