01.10.2012  № 74 жалпы білім беретін мектепте   «Жүректері теңіздей терең қарттар!» атты  мерекелік іс-шара өткізілді. Мерекелік іс-шараның мақсаты: оқушыларға  ұлттық қадір-қасиеттер, имандылық, инабаттылық, үлкенді қадірлеу, үлкенге ізет, кішіге құрмет көрсету  керектігін  түсіндіру. Оқушыларды еңбекке сүюге, Отанымыздың  білікті де білімді адал азаматы болуға тәрбиелеу.1 қазан қарттар күнімен  құттықтап, зор денсаулық, ұзақ өмір, отбасыларына береке, бірлік, қуаныш тілей отырып, «Жас ұлан» ұйымының оқушылары  ықшам ауданы бойынша тыл ардагерлері және ҰОС ардагерлерін үйлеріне барып құттықтады. Оқушылар өздерінің әлдері келгенше мерекелік сыйлық және әннен шашу шашты.