2020 жылдың 22 ақпанында қаржылық сауаттылық апталығының жоспарына сәйкес 8-11 сынып оқушыларына "Мамандық таңдау -болашақты таңдау" тақырыбында мамандықтар жәрмеңкесі ұйымдастырылды. Аталған ісшараға Қарағанды қаласының 7 колледжі және 1 университеті белсене қатысты. Мамандықтар жәрмеңкесінің мақсаты - оқушыларға кәсіби бағыт-бағдар беру. Әр оқу орындарының оқытушылары мен студенттері мектеп оқушыларының сұрақтарына жауап беріп, оқу орнындағы мамандықтармен таныстырып, кеңес берді. Сонымен қатар презентация арқылы қосымша мәлімет берді. Қарағанды кәсіптік-технологиялық колледжі мен Қарағанды технология және сервис колледжі студенттерінің әзірлеген көрмесі оқушыларымыздың көңілінен шықты. Оқу орындары оқушыларымыздың мамандық таңдауына көмектесіп, кәсіптік бағдар жұмысын жүргізіп, әріптестік ынтымақтастық және әлеуметтік серіктес болғандары үшін мадақтамалармен марапатталды. Жауаптылар: бейінді оқыту ісінің орынбасары Зарубаева Л. Е. және қосымша білім беру педагогі Зарубаева Л. Е.