Рухани жаңғыру бағдарламасы аясында, «Өнегелі  өмір»  жетістік  пен  табысқа  жеткен  адамдармен  кездесу  жобасына  байланысты  ақын, республикалық «Жігер» фестивалінің, Университеттердің Бүкілодақтық фестивльдерінің  лауреаты. «Қазақстан» телеарнасында тікелей эфирде өткен республикалық «Аламан айтыс» жарысында «Орақ тілді, от ауызды Ақын» атағына иеленген.Бірнеше интелектуалдық жобалардың авторы. Біріккен Ұлттар Ұйымы мен ЮНЕСКО-ның бағдарламалары аясында  өз жобаларын жүзеге асырған жан.Қарағанды облыстық телевизиясында аға редактор, Қарағанды облыстық  «Қазақ тілі» қоғамы төрағасының бірінші орынбасары, Жезқазған облыстық Жастар ісі жөніндегі комитетінің төрағасы, Сәтбаев қаласы әкімінің орынбасары, «Қазтұтынуодағы» Жезқазған облыстық басқармасы жетекші маманы, Қарағанды облыстық «Замандас — Современник» газетінің бас редакторы, Маздау»  қоғамдық  қорының  директоры, «Сайгез»  жеке  қорының  президенті, қызметтерін атқарған. Қазіргі уақытта Қарағанды облысы әкімі аппаратының «Қоғамдық келісім» КММ қызметкері.«Халықаралық, республикалық ақындар  айтысының  бірнеше  дүркін  жүлдегері, «Мәңгілік мұңның әуені» атты бардтық әндер жинағы  мен  «Тәкаппар  мұңының  кербез  тамшылары»  атты  жыр  жинағының  авторы  Мақсұтов  Қуаныш  Мажкенұлы ағамызбен бірге мектебімізде сырлы  сұхбат, әдеби-сазды  кеш өтті.
Іс - шарамыздың  мақсаты – оқушыларымызды жерлес ақынымыздың шығармашылығымен таныстырып, кіші  буын  жастарға патриоттық рух беріп, халықтың ыстық ықыласына бөленіп жүрген қаламгерлеріміздің өрнегі мол жырларын оқуға насихаттау, олардың өнегелі өмір жолдарын өскелең  ұрпаққа  өнеге  тұтып, адамгершілік қасиеттерге баулу  еді.Оқушылар ақын шығармашылығынан  өлеңдер  оқып, жақсы  көңіл-күймен  тарасты.