Қарашаның  21 мен 30 аралығында  мектепішілік «Химия онкүндігі» өтті.  Онкүндік жоғарыда берілген  жоспар бойынша өтті. Онкүндіктің мақстаты:  Оқушылардың химия пәніне деген қызығушылығын арттыра отырып,  оқушы бойындағы шығармашылық қабілетін бағалау, оларды сауаттылыққа, ұқыптылыққа тәрбиелеу. Онкүндікте өткен сабақтар менің өзімнің ұстанған «ақпараттық технология» бойынша берілді.  Ал оқушылардың еңбектері онкүндікке арналған стендіге ілінді,  бұйымдары көрмеге қойылды.

      1) Бұл онкүндік 21.11.11 күні мектепішілік жиында салтанатты ашылумен басталды.Ол жиында барлық онкүндікте өтетін іс-шаралар таныстырылды. 8 сынып оқушылары химия туралы өздерінің таппақтарын айтты. Онкүндікте  5-11 сынып аралығындағы оқушылар қамтылды.

        2)5-7 сынып оқушылары химия пәнімен әлі танысып үлгерген жоқ, сондықтан олар өздерін «Мені қоршаған химия» атты  сурет, плакат, бұйымдар сайысында  көрсете білді. Олар  өздері химия пәнін қалай елестете алады, соған байланысты өз өнерлерін көрсетті.

3)Ал 8 сынып оқушылары «Химия және мен» атты шығарма, эссе, ребус, сканворд, кроссворд сайысына қатысып, өз еңбектерін ортаға салды.  Шығармаға қойылған талаптың бірі ол химияның экологияға тигізетін рөлін ашу, оған деген өзінің көзқарасын  білдіру, химияның адам өмірінде, тұрмысындағы ролін ерекше суреттеу болатын.

4) Қарашаның 23 жұлдызы күні 8 «г» сыныбымен «Химия және экология» атты экологиялық конференция өтті.

5) Қарашаның 24 мен 25 аралығында   мектепішілік   8-11 сыныптар аралығында  олимпиада өтті. Ол пәндер ішінде химия пәні де бар. Олимпиадаға тапсырмалар қалалық оқу бөлімінен келді. Олимпиада І-ІІ турдан тұрды. І-турда  бірыңғай есеп болды, ал екінші тур тәжірбиелік тур болды.

6) Қарашаның 27 күні 8 сыныптың орыс «Б» сыныбында «Кислород. Оксиды. Горение» тарауын қорытындылауға арналған қайталау сабағы өтті. Ол сабақта слайд, флипчарт, мультимедия пайдаланылды. Слайдта сабақтың жоспары мен мақсаты, орындалатын жаттығулар берілсе, мультимедияда оттегіні алу мен оның қасиеттері көрсетілді.

7) Қарашаның 25-і күні 10 «б» сыныбымен «Қызықты химия»  атты интеллектуалды ойын өтті. Ойын топпен жұмыс бойынша, кубизм әдісі, түртіп алу әдісі, миға шабуыл әдістері бойынша өтті Ойынның жоспары өте тартымды, қол жетімді, түсінікті болды. Сабаққа оқу ісінің меңгерушісі  Сакимова М.Ө. мен әдістемелік бірлестіктің жетекшісі Сұраубаева Л қатысты. Олар «өте жақсы» деген баға берді. Ойында ІІІ топ жеңімпаз атанып, «Химик топ 2011» атағына ие болды.