№ 38 гимназияда «Шаңырақ» қоғамы жұмыс атқарады. Қоғам жұмысының барысында 22 қыркүйек күні 9 А және 9 В сынып оқушылары 2 А және 4 Г сыныптарымен бірге шешен халқының салт-дәстүрімен таныстыруға арналған мерекелік кездесу жасады.

Кездесу мақсаты – Қазақстанда халықаралық татуластықты және бірлестікті нығайту. Мерекелік кездесуде шешен халқының тақпақтары, өлеңдері айтылды, кіші сынып оқушылары лезгинка биін тамашалап отырды.

Тілдер күні – ел азаматтарының достығы, туысқандығы және бірліктің белгісі. Халықтардың достығы, өзара түсіністігі  және ынтымақтастығы – жаңа Қазақстанды құрастырудың тірегі. Біздің мемлекетімізде 85-тен астам халық өкілдері тұрады. Олар тіл арқылы бір-бірін тауып рухани мәдениетін түсінуді үйренеді.