2014 жылдың 8 қазанында «№38 гимназия» КММ-нде қазақ әдебиеті пәнінен «Қазақ әдебиеті сабақтарында білім сапасын арттыру мақсатында оқушылардың танымдық қызығушылықтарын дамыту» тақырыбында қалалық семинар өтті. Семинарға қалалық ББ-нің әдіскері Аймағанбетова Г.К. және қала мектептерінің қазақ тілі мен әдебиеті пәндерінің мұғалімдері қатысты. Гимназияның қазақ тілі мен әдебиеті пәндерінің мұғалімдері - Масабаева Алмагул Утесиновна (С.Сейфуллин. «Ақсақ киік» өлеңі, 11-сынып), Ахметова Замзагуль Дихановна («Қараой» әңгімесі, 10-сынып), Дұрмагамбетова Роза Асхатбековна (Абай Құнанбаев. «Он жетінші сөзі», 8-сынып), Сакимбаева Алмагуль Амангельдиновна (Ә.Тәжібаев. «Толағай» ертегісі, 6-сынып), ашық сабақтар көрсетіп, өз іс-тәжірибелерімен бөлісті. Ашық сабақтарға қатысқан ұстаздар барлық көрсетілген сабақтардың өте жоғары деңгейде өткендігін атап айтты.
№63 мектептен: Мейірбек Назым, №93 гимназиядан Кубекова Құралай, Мойылбекова Раушан, №38 гимназиядан Саттыбаева Гульбагира, Сартбаева Гүлнур осы семинарға қатысушы ұстаздармен «Белсенді сынып ұйымдастырудың әдіс-тәсілдері» тақырыбында коучинг өткізді.
Семинарға жоғары сынып оқушылары белсене қатысты. Олар Сәкен Сейфуллиннің 120 жылдық мерейтойына арнап «Қазағымның Сәкені» атты әдеби кеш өткізді. Кеш барысында оқушылар Сәкеннің шығармашылығына қысқаша тоқтай отырып, оның өлеңдерін мәнерлеп оқыды, ән салды. 9-сынып оқушылары - Туткушев Мурат, Берлібеков Аблай, Адамбеков Санжарлар - домбырада күмбірлете күй тартты. Осы әдеби кешке жетекші болған мұғалімдер: Мамежанова Гульнар Маннановна мен Сатбекова Зәуре Мухаметбековна. Семинар қонақтары гимназия ұжымы мен «Мемлекеттік тіл» кафедрасының ұстаздарына алғыстарын айтып, көтеріңкі көңілмен, риза болып тарқасты.
Контакты
