21.12.21 күні Нұрсұлтан қаласында Алтынсарин академиясының ұйымдастыруымен қазақ тілі мен қазақ әдебиеті пәндері мұғалімдерінің съезді өтті. Съезге Білім және ғылым министрі Асхат Аймағамбетов, сондай-ақ, еліміздің барлық өңірінен келген педагогтер, лингвист-ғалымдар, жоғары оқу орындарының оқытушылары мен ректорлары қатысты.
Осы іс-шараға Қарағанды қаласынан орыс тілінде оқытатын мектептерден Қаныш Сәтбаев атындағы гимназияның қазақ тілі мен әдебиеті пәні мұғалімі Аймаганбетова Гулзат Кенжебаевна қатысып қайтты. Бұл әрине, біздің гимназия үшін үлкен мәртебе.Ал ұстаз үшін еңбегінің бағаланғандығы.
Съезге қатысқан мұғалімдер қазақ тілін оқыту сапасын арттыру және пән бойынша үлгілік оқу бағдарламасын жетілдіру туралы ойларымен бөлісті. Олар сондай-ақ қазақ тілі мен қазақ әдебиетін оқытудағы жаңа тәсілдерді қарастырудың маңыздылығын атап өтті.
Съезде елімізде негізгі пәндер бойынша Республикалық педагогтер қауымдастығы құрылатыны туралы хабарланды. Мұғалімдер қауымдастығы өзекті мәселелерді талқылау алаңына айналады. Осылайша, алғашқылардың бірі болып қазақ тілі мен қазақ әдебиеті мұғалімдерінің қауымдастығы құрылды.
Съезге қатысқан әрбір ұстаз жақсы бастаманы қуана қолдады.
Авторство:
