Қазақтың қайталанбас ұлы тұлғасы Абай Құнанбайұлының туғанына бүгін 175 жыл толды.
Абай (Ибраһим) Құнанбайұлы 1845 жылы 10 тамызда қазіргі Шығыс Қазақстан облысы Абай ауданында дүниеге келген. Әкесі Құнанбай өз заманында тобықты руына басшы, уездің аға сұлтаны болғаны белгілі. Анасы Ұлжан мен әжесі Зеренің тәрбиесінде өскен Абай өсе келе Семейдегі Ахмет-Риза медресесінде білім алған. Араб, парсы сынды шығыс халықтарының тілін білуі Абайдың алдында білімнің ұшан-теңіз көкжиегін ашып, Шығыстың Науаи, Низами, Жами, Саади, Хафиз, Фирдоусидың шығармаларын сусындатқан.
⠀
Абай орыстың ақын-жазушыларымен бірге Еуропаның Гете, Байрон сынды ақындарын, Спенсер, Льюис, Дарвин, Дрепер сынды ғұламаларының туындыларын оқыған.
⠀
Абай өлең жазуды 10 жасында («Кім екен деп келіп ем түйе қуған...») бастағанымен өз өлеңдерін шығаруды шамамен 1880-1897 ж.ж. аралығында көбірек қолға алған. Өлеңдерін әртүрлі адамдардың атымен таратқан. Ал қара сөзбен жазылған ғақлия-өсиеттерін 1890-1898 жылдар аралығында қолға алған.
Авторство:
