Қазақ тілі мен әдебиет пәндерін оқытудағы «Инновациялық ізденістер» семинары болып өтті

        Өткен аптада № 42 «Орыс тілінде оқытатын мектепте қазақ тілі мен әдебиет пәндерін оқытудағы инновациялық ізденістер» атты  мектеп ішілік семинар өтті.

Семинардың мақсаты: мектеп мұғалімдерінің кәсіби шеберлігін таныту және педагогикалық - әдістемелік тәжірибе алмасу. Семинар екі бөлімнен тұрды. 1 – бөлім теориялық, 2 – практикалық.. Бірінші  бөлімде мұғалімдер әдістемелік тақырып бойынша өздерінің жинақтаған материалдарымен таныстырды. Мысалы: Жомартова З.Е модульдік технология жөнінде түсінік беріп, деңгейлік тапсырмалардың түрлерімен таныстырды. Деңгейлік тапсырмалардың оқытудағы тиімділігі:

      1.оқушылардың физио- психологиялық ерекшеліктеріне сай ойлау, сөйлеу қабілеттері дамиды;

2.     оқушы өз бетімен жұмыс жасауға дағдыланады;

3.     жүйелі оқыту принциптері арқылы оқушы өзін - өзі дамытады, өзін- өзі бағалап білім деңгейін өрбітеді.

  Ербосынова Ж ойын технологиясына түсінік берді. Дидактикалық танымдық рөлдік, грамматикалық, ұлттық ойындар түрлеріне қатысушылардың назарын аударды. Өз сөзін қорытындылай келе: «Адам мәдениеті ойын арқылы дамиды, демек балалық шақтан бастап, қартайған кезге дейін адамды ойын жетелеп отырады. Ал бүгінгідей, динамика ғасырында, оқу процесінде ойын алдыңғы орында, яғни, ойын технологиясы арқылы баланың оқу ынтасын арттыру жеңіл болмақ»,-деді.

     ҰстазКунешова. Б.Б. қазіргі заман талабына сай азаматты, оқушылар бойында

ұлттық намыс, қадір – қасиетті, қазақстандық патриотизмге тәрбиелеу мақсатында халықтық педагогиканы тиімді қолдана білу жолдарына тоқталды.

     Екінші бөлім – практикалық . Практикалық бөлімде тәжірибелі мұғалім  Жомартова З.Е.«Туған жер табиғаты» - 6 сынып.

Мұғалім сабақ барысында ақпараттық – коммуникациялық технологияны өте тиімді пайдаланды. Оқушыларды сөйлету, коммуникативтік құзіреттілікті қалыптастыратын әдіс – тәсілді тиімді қолданды. 

         Барлық сабақтар жоғары деңгейде өтті. Семинарға қатысушы мұғалімдер Мектеп директоры мен қазақ тілі мен әдебиеті әдіскері Жомартова З.Е.өз ризашылығын білдіріп, осындай маңызды іс – шараларды көбірек өткізу керек екенін айтты. Өйткені мұғалімдер үшін тәжірибе алмасу, білім жетілдіру шексіз.