"Жас Ұлан" балалар және жасөспірімдер ұйымы

"Жас Ұланның" мақсаты

        Өскелең жас ұрпақтың бойында патриоттық, білім мен өзін-өзі жетілдіруге деген құштарлық,беріктік, Отан тарихына, Тәуелсіз Қазақстанның бүгіні мен болашағына деген жауапкершілікке тәрбиелеу.

«Жас Ұланның»  міндеттері:

- Қазақстан халқының тілін, мәдениетін, тарихын білу негізінде өскелең жас ұрпақтың бойында рухани-адамгершілік әлеуетті қалыптастыру;

- балалар мен жасөспірімдердің азаматтық белсенділігі мен саналылығын арттыру;  

- танымдық жұмыстарды ынталандыру;

- балалар мен жасөспірімдердің зияткерлік, шығармашылық және әлеуметтік  дамуы үшін қолайлы жағдай жасау;

- жауапкершілік мен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту

           Біздің мектепте 2013-2014 оқу жылында «Жас Ұлан» тобында 5-9 сыныптардың 20 оқушысы бар. Бұл оқушылар оқуда, қоғамдық жұмыстарда, еңбекте барлық оқушыларға үлгі бола біледі. Олар салауатты өмір салтын ұстанады және өз замандастырына оны насихаттайды, үлкендерді сыйлап, кішілерге қамқор болады. «Жас Ұландықтар» сынып кабинеттерін гүлдендіруге, мектеп маңайын таза ұстауға, кітаптарды түптеуге атсалысады. Бастауыш сынып оқушыларымен салауатты өмір салтын насихаттау, өрт қауіпсіздігі жайлы кеңестер өткізеді.  «Автомобиль. Жол. Жаяу», «Жаяулар ғылым мектебі», «Менің құқығым мен міндетім»атты түрлі ойындар жүргізеді. Олар әрқашан суреттер байқауына, спорттық жарыстарға, мерекелік бағдарламаларға қатынасады және мерекелерде қарттарды, ардагер ұстаздарды тұратын мекен-жайларына барып құттықтайды.

«Жас Ұлан» қызметінің қағидалары:

- азаматтық сана-сезім және жалпы адами құндылықтардың басымдылығы;

- еріктілік және қол жетімділік;

- ұрпақтар сабақтастығы мен «Жас Ұлан» ұйымының дәстүрлерін сақтау;

- ұйымның негізгі мақсаты мен міндетін жүзеге асырудағы ересектер  мен балалардың бірлігі;

- қызметтің патриоттық, толеранттық, рухани-адамгершілік бағыты

          Мектепте "БОЛАШАҚ" БЖҰ-ы 2007 жылдан бастап жұмыс атқарады. 2007 жылы алғаш рет құрамында 17 оқушы бар алтыншы және жетінші сынып оқушыларынан  екі топ  құрылды. Топтың командирлері болып Худяк Михаил, Долгих Игорь бекітіліп сайланды және топ мүшелері болып Гагин Денис, Зубарева Виктория, Никитина Надежда, Вальтер Любовь сайланды. Топ отырыстарында түрлі ағымдағы мәселелер қарастырылады. Болашақтықтардың жыл бойы атқарған жұмыстарының нәтижесінде төртінші сынып оқушыларынан құралған тағы бір топ құрылды.