Кешенде «Наурыз» мерекесін өткізуге арналған жұмыс жоспары жасалды. Кешен ғимараты мерекеге сай лозунг,  плакаттармен безендірілді. Кітапханада Наурыз мейрамы туралы кітап көрмесі ұйымдастырылды.

 19-20 наурыз күндері балабақша мен мектепалды даярлық тобы балаларының қатысуымен «Ұлыстың Ұлы күні» тақырыбындаТоршаева Ш, Садуакасова М, Бекишова А, тәрбиешілердің ұйымдастыруымен концерттік бағдарламаның қызықты өткізілуі, залдың мереукеге сай әсем безендірілуі ата-аналардың да ризашылығына бөленді. Мектепалды даярлық тобының ішінде Тишамағанбетова Самалдың өткізген шарасын ерекше атап өтуге болады.  18-19 наурыз күндері интернат топтарында «Қош келдің, Наурыз!» атты Төребаева М, Есказинова Б, Талюкенова Қ ұйымдастыруымен өткен шара да жоғары дәрежеде өтті. Ерекше атап өтетін шара А.Рахымжанованың ұйымдастыруымен өткен «Әжелер сайысы». Сайысқа 5 әже қатысты, әр түрлі сайыстар ұйымдастырылып, әжелер мадақтамамен марапатталды. Келген әжелер өте риза болды.   

     Мектеп бойынша 1-11 кластар арасында өткізілген «Наурыз –думан,тамаша» мерекесіне барлық кластар бірдей атсалысты. Әсіресе бастауыш кластардың ата-аналары жоғары белсенділікпен қатысты, белсенділік танытқан  ата-аналарға кешен атынан алғыс хаттар табыс етілді. 5-11 кластар бойынша өткізілген шаралар мереке дайындалған  әзірлеме бойынша өткізілді. Мерекелік шара өткізу үшін  бес  ауыл құрылды. Олар: «Еркем-ай,Ақбұлақ,Наурыз,Асыл мұра,Жастілек» ауылдарымерекеге сай безендіріліп, әр ауыл өнерден, салт- дәстүр т.б. шаралар көрсетуден сынға түсті.

      Әр ауыл белгіленген  критерийлар бойынша бағаланды. Соның қорытындысы бойынша,Гран ПРИ-ді – «Наурыз»ауылы,1 орынды «Еркем-ай»,2 орынды – «Ақбұлақ»,пен «Асыл мұра» ауылы, 3 орынды – « Жастілек» аулы жеңіп алды. Әр ауыл тұрғындары қазақтың түрлі салт-дәстүр, әдет-ғұрпынан көріністер көрсетіп, соңы ұлттық спорт  шаралармен ұласып жатты. Биыл «Наурыз» мерекесін   барлық қонақтар мен оқушылар және қызметкерлер де  ұлттық киімде қарсы алды, осы көріністің өзі тойға өзінше бір сән бергені сөзсіз. Әр ауылда күмбірлеген күй мен қазақша әуендер үзілмей, тойдың әрін кіргізе білді.

    «Сиқырлы саусақ» атты қол өнер көрмесі ұйымдастырылды.

     Кешен қызметкерлері қалада  өткізілген Наурыз тойына белсене қатысты. Киіз үй құруға көмек көрсеткен қызметкерлерімізге  рахметімізді  айтамыз.