2017 оқу жылының 15 желтоқсаны мен 2018 жылдың 1 мамыр аралығында  оқушылардың кітап оқуға  деген қызығушылығын  арттыру,көркем шығармаларды  оқыту арқылы   оқушы бойында   рухани және адамгершілік  құндылықтарды дамыту мақсатында  «Бір аймақ, бір кітап » атты ақцияның  наурыз айында жоспарланған жұмыстардың есебі.

     №21  мектептің   5 «А» және 7 «А» сынып оқушылары    арасында  қазақ тілі мен әдебиеті пәнінің оқытушысы Әмрина Гүлмира Слямовна  2018 жылдың 13 мамырында Қазақстанның Халық Қаһарманы, көрнекті жазушы, Ұлы Отан соғысының ержүрек батыры, әйгілі партизан, көзі тірісінде аты аңызға айналған халқымыздың қайталанбас біртуар даңқты перзенті, жауынгер жазушы, Халық Қаһарманы Қасым Қайсеновтың «Жау тылындағы бала» повесі бойынша әңгіме-талдау өткізді.

   "Жау тылындағы бала" повесі– Ұлы Отан соғысы кезінде жау тылындағы партизандардың басқыншыларға қарсы жасаған зор ерліктерін үлкен тебіреніспен суреттеп жазған. Бұл повесте сұрапыл Ұлы Отан соғысы кезінде Украина жерінде он жасар қазақ баласының партизандар қатарында болған қилы өмір соқпағы суреттеледі.  Іс - шара соңында «Қ.Қайсенов жауынгер жазушы» атты кітап көрмесіне кітапханашы шолу жасады.Оқушылар көркем шығармадағы кейіпкер бейнесін ашып,үзінділерді жатқа айтты.  Кейіпкерлердің іс- әрекеті мен автор берген портреттік мінездемені салыстырып, тарихи және көркемдік құндылығына баға берді. Сын тұрғысынан ойлап, шығарманы көркемдеп айтып үйренді.Топтық жұмыс барысында өзара сыйластық, ынтымақтастық, адамгершілік, шыншылдыққа, әдептілікке, білім алуға дайын болу сияқты әдеттерді бойына сіңірді.

      Оқушылар сабақтың соңында«Жойылсын соғыс» әнін орындады. Иә,бейбітшілік –ол біздің ұранымыз. Жер бетінде  тек  «Бейбітшілік!», «Тыныштық!», «Бірлік!» болсын  деп сабақты қорытындылады.

9 «А» сынып оқушылары арасындақазақ тілі мен әдебиеті пәнінің оқытушысы Әмрина Гүлмира Слямовнаның басшылығымен   С.Мұқановтың  «Балуан Шолақ» повестінің  үзіндісі бойынша оқушылардың білімін толықтыру, Нұрмағамбет бейнесіне талдау жасап, өз ойын жүйеліжеткізе білуге, пікірін еркін айтуға, өз көзқарасын дәлелдей алуға үйрету мақсатында жұмыстар жүргізілді.Тәрбиелік мақсаты: оқушыларды адамгершілікке, өнерді сүюге, салауатты өмір салтын ұстануға, үлгі - өнеге алуға шақыру. Жазушы Сәбит Мұқановтың   және қазақтың атақты  әнші-композиторы  Балуан Шолақ Баймырзаұлының бейнесін оқушылар санасында қалдыру мақсатында жасалған жұмыстар өз мақсатына жетті.  Оқушылар өз білімдерін   ұтымды жауаптармен дәлелдеп отырды.

     Сонымен бірге Балуан Шолақтың әндерінен үзінді тыңдады. Үзінді мазмұны бойынша берілген сұрақтарға жауап берді. 

Оқушылар өздері дайындап әкелген блиц-турнир сұрақтарына жауап берді. 
 Өнерімен халқын риза етіп, Сарыарқаны сазды әуенімен тербеткен, өз заманының айтулы сал-серісінің бірі болған Балуан Шолақ Баймырзаұлы 1916 жылы өзінің өскен өңірі Өзектісайда қайтыс болды деп сабақты қорытындылады . Сабақ өте қызықты өтті. Оқушылар  білімдерін шыңдап ,тапсырмаларды  орындауда өте қызығушылық білдірді .Іс - шара соңында «С.Мұқанов- XX ғасырдағы қазақ әдебиетінің көрнекті өкілдерінің бірі»атты кітап көрмесіне шолу жасады.