2018 жылғы 9 ақпанда №38 гимназияда оқушылар арасында ғылыми-техникалық шығармашылық пен инженерлік мамандықтарды насихаттау мақсатында Қарағанды қаласы мектептерінің 1-11 сынып оқушылары арасында ІІІ қалалық робототехника байқауы басталды. Байқауға оқушылардың өздерімен  жасалынған робототехника саласындағы әзірлемелер, яғни роботталған құрылғылар мен роботтар моделі қатысты.  

Байқауға қаланың 49 білім ұйымдарынан 140 команда қатысты. 120-дай оқушы әр түрліноминациялар бойынша сайысты.  

Информатика пәнінің мұғалімі Камелов Жанғазы 8а сынып оқушыларын – Серипаев Амирхан мен Серикпаев Алимханды байқауға дайындады. «Следование по линии для продолжающих А» номинациясы бойынша сайысқа қатысты. Бұл сайысқа 8 команда қатысты. Бізде 1 ғана түс датчигі болған себепті, өкінішке орай балалар келесі этапқа өте алмады. Робототехника курсы бізде осы оқу жылы ғана ашылған болатын және де бір ғана робот жинағы бар. Дегенмен, олар сертификатпен марапатталды. Құттықтаймыз! Келесі жылы бізге тағы да робот жинағын береді деген сеніміміз бар.