Мектебімізде Қазақстан халықтарының Тілдері күніне арналған іс-шаралар өткізілді. Іс-шара саптық жиынмен ашылды. «Дала данышпаны» Қазыбек бидің туғанына 350 жылдығына арналған  сынып сағаттары өткізілді. Жазушы, әдебиеттанушы, ғалым, сыншы, филология ғылымдарының докторы, профессор, Қазақстан Республикасының еңбек сіңірген ғылым қайраткері Тұрсынбек Кәкішевтің туғанына 90 жылдығына байланысты сұхбат сабақ өтті. Қазақстан Республикасының халық жазушысы, Мемлекеттік сыйлығының лауреаты Ғафу Қайырбековтің туғанына 90 жылдығына байланысты  шығармалар байқауы өтті. «Қараңғы қазақ көгіне, өрмелеп шығып күн болам» атты  Қазақ ақыны, ағартушы, қоғам қайраткері, ойшыл Сұлтанмахмұт Шоқпытұлы Торайғыровтың туғанына 125 жыл толуына байланысты өлеңдер байқауы өтті. «Жалынмын мен, келсе жақын жанарсың» атты Алаш қозғалысының қайраткері, ақын, қазақ әдебиетінің жарқын жұлдызы Мағжан Бекенұлы Жұмабаевтың туғанына 125 жыл толуына орай мектепішілік мерекелік іс-шара өтті.Мектеп оқушылары көп ұлтты болғандықтан ән салып, би билеп  мәдениетпен, салт –дәстүрдің озық үлгілерін көрсетті.Сапта тұру жиыны  Тілдер күніне арналған іс-шараға белсене қатысқан оқушыларды марапаттау рәсімімен қорытындыланды.