Бүгін, 18.05.2017 біздің мектебіміздің 8 сынып оқушылары Костенко атындағы шахтаға экскурсияға барып қайтты. Экскурсия биылға шахтаның 75 жылдық мерей тойына орай әзірленді.  Шахта қызметкерлері бізді өте жылы қарсы алды. Алдымен оқушыларды шахта мұражайына апарып, сол жердегі жәдігерлермен таныстырды, онда қызықты сұхбат орын алды. Осы шараға арнайы 5 арнаның түсіру тобы келді. Балалар таныстырушының әр сөзіне құлақ асып, зейін қойып тыңдады. Сонымен қатар, осы шараға ардагер кеншілер одағының төрағасы  Н.Д.Баязбековта қатысты. Баязбеков мырза бірқатар қызықты оқиғаларды оқушыларға тамсандырып айтып берді. Мектебіміздің екі оқушысы Наурызбай Биназ бен Фоминова Елизавета 5 арнаға сұхбат берді. Мектеп директорының оқу ісі жөніндегі орынбасары Н.М.Адамов шахта қонақтарының тілектеріне арналған кітабына мерей тойға арналған құттықтау тілегі жазып, жақсы қарсы алғандары үшін алғыс білдірді. Мұражайдан кейін оқушыларымыз шахтаның жиын залына барып арнайы дайындалған шахта туралы бейнабаянды тамашалады. Сөз соңында оқушыларымыз шахта қызметкерлеріне алғыстарын білдіріп, кенші мамандығын таңдаулары мүмкіндігін айтып өтті. Жалпы экскурсия өте жоғарғы деңгейде өтті.