01.03.2017 жылы №21 НМ Азаматтық қорғаныс Күні өтті. АҚ күніне орай арнайы стенд дайындалды. АҚ күні екі кезеңге бөлінді, атап айтқанда 1 ауысымда және 2 ауысымда.  Ауысымда 4 сабақтан кейін 7Б сыныбы салтанатты саптық жиын ұйымдастырды. Оқушылар өте тыңғылықты дайындалып келіп өте қызықты саптық жиын өткізді және осы жиынды арнайы викторинамен аяқтады. 7Б сыныптың шараларынан кейін мектебіміздің медбикесі төтенше жағдайларда алғашқы көмек көрсету тәсілдерін көрсетті. Салтанатты саптық жиыннан кейін барлық сыныптар «Азаматтық қорғаныс» тақырыбына арналған сынып сағаттарына кетті. Осы күні 8А сыныбы ашық сынып сағатын дайындап, өте жоғарғы деңгейде өткізді. Астана уақыты бойынша сағат 12:20 белгі берілді. Белгі бойынша оқушылар арнайы үш шығыстарға қарай жылжи басталды. Эвакуация сәтті өтіп, оқушылар спорттық кортқа жиналып сынып басшылары азаматтық қорғаныс басшысына есеп берді. 2 ауысымда салтанатты саптық жиын үшінші сабақтан кейін сағат 15:45 басталды. Салтанатты саптық жиынды 5Б өткізді. Саптық жиын өте жоғарғы деңгейде өтті. Ашық сынып сағатын 5А сыныбы өткізді. Сынып сағатыда өте жақсы деңгейде өтті, себебі сынып жетекшісі көптеген қызықты ақпараттар дайындаған. Астана уақыты бойынша сағат 16:35 белгі берілді. 2 ауысым оқушыларыда сәтті эвакуацияланды. Жалпы Азаматтық қорғаныс күні сәтті өтті.